حقوق الوطن
إهداء : لصاحب السمو رئيس الدولة ,حفظه الله
العشق مرة في العمر من اللي يعشق مرتين
حب الحبيب الأوّلي ماحد يبدّل به بدل
مثل الذهب مايختلف حب اللي معدنهم ثمين
ان حل مايرحل أبد يرسي مثل رسيْ الجبل
ويكون في عسرويسرو يكون في شدة ولين
ويكون خالد للأزل ماله نهاية ولا أجل
كم عشت فيك وعشت فيني عيشة أشواق وحنين
صرنا مثل ظفر ولحم عن بعضنا ماننفصل
بيني وبينك ذكريات نسيتها والكبر شين
لي أذكره انّي عشقتك يوم أنا توني طفل
ربيتني وعلمتني مكتوب لك برقبتي دين
لوعمري أوهبلك هبه تسديد دينك ماكمل
مهما عطينا للوطن نعطي ونبقى مقصرين
لو نعطي كل ما نستطيع نحاول بكل السبل
والانتما بعده ولا واجب علينا فرض عين
والفرض واجب نعمله نعمل ونخلص في العمل
هذي الامارات الحبيبة كنزنا الغالي الثمين
لازم نضحّي لأجلها ونصون كل حبة رمل
مايكفي تسجيل الأسامي في سجل مواطنين
مايكفي يافخر الوطن حطت شماغات وعقل
قالوا عن حقوق الوطن تشبه حقوق الوالدين
ماينكر حقوق الوطن إلا قليلين الأصل
غير العلوم
الطيبة ما علمونا الأولين
لو نتبّع منهاجهم يهدينا للدرب العدل
وشيوخنا نبراسنا
فخر العرب والمسلمين
حكام عن أبٍ وجد حكام عن أصل وفصل
يوم الصحاري موحشة والدار قفرا مؤسسين
يوم أسسوها وحلّوا فيها الطير مايقدر يحل
من هو حماها من بناها واشتقى عبر السنين
من
هو وضعها في خريطة من رسم فيها الأمل
من هو حمل سيفه وترسه من وقف للطامعين
من كان يتغطى السما يتوسد تلال الرمل
من هو رفع للعز راية وطلّع المستعمرين
من هو بنا الصرح العظيم ووحّد ولمّ الشمل
تنّوروا اقروا كتب اتفحصوا التاريخ زين
زايد باسمه زيّنة واصبح لميزانه ثقل
وحّدنا صار إلنا وطن علّمنا صرنا مثقفين
الله يغفرله ويرحمه وصلّنا للقمة ورحل
واخّيِرْخلف لخْيَرْ سلف متربي في نفس العرين
هذا شبل ذاك الاسد يشبه الابو قول وفعل
خليفة نبراس الوطن قائد و به متفاخرين
نادر بحكمه وحكمته عادل ومنهاجه العدل
رايتك بيضا سيدي ومكفيين موفيين
وبلك هميله مستمر ماله مواسم أو فصل
فيك الشهامة والحزم طيب وشيخ الطيبين
المجد عانق هامتك والفخر باحضانك نزل
واحنا رجالك في اللزم واحنا الجنود المخلصين
رجال نوفي وعودنا أبطال قائدنا بطل
ويمينه عونه وعزوته بوراشد ذراعه اليمين
محمد الشهم الوفي كم ضحّى للدولة وبذل
لولا الارادة والعزم والحكمة والعقل الفطين
بالبحر من يبني مدن فيها الشوارع والنخل
مايرتضي بالهيّنة دومه من المتميزين
مايعترف بالكايدة ويحلّها لوما تحل
حكام دولتنا فخر هم كوّنوا الصرح المتين
ضحّوا لأجله وكافحوا سهروا عليه لين اكتمل
هم اسسوا هم شيدوا يالله عساهم سالمين
يبقوا فخرنا وعزنا يبقوا لهذي الدار ظل
وانته سند لظهورنا يا والي العهد الأمين
وانته وسام صدورنا وانته يا بوخالد مثل
كل اشعرا هالمنطقة في وصف شخصك حايرين
كل اشعرانا حاولوا ماحد لشخصيتك وصل
في حضرتك من هيبتك تخفق قلوب الحاضرين
تخجل عيون قصيدنا تتناثر حروف وجمل
سير وتعلّا للعلا دربك ورود وياسمين
سعيك مكلل بالنجاح بقدرته عزوجل
وبلادنا بأمن وأمان بفضل رب العالمين
الفضل لله والفضل يرجع
لأصحاب الفضل
الناس ساروا قبلنا بالطائرات مسافرين
واحنا وصلنا قبلهم رحاله ع ظهور الإبل
واحنا صنعنا معجزة مايصنعوها معجزين
للعلم هذي المعجزة في الكون ماصارت قبل
هذي حقيقة مؤكدة كالشمس للعالم تبين
عند الرجال المخلصة الصعب يتبدل سهل
واللي ولاهم للوطن مايسمعوا للمغرضين
معروف عن اهل الفتن كانوا من ايام الرسل
والماله اول ماله تالي هذا قول العارفين
والصورة ماتصبح اصل لوتنختم طبق الاصل
حمل الثقل لرجالها لي يقطعوا الشك بيقين
اللي ولاهم للوطن مافيه شك ولا جدل
نرخي بحزات الرخا عند الشدايد مانلين
ان دقت أجراس الخطر نشعلها لوماتشتعل
ونعيش في عز وفخر ونموت واحنا واقفين
ماتنحني هاماتنا نموت شروات النخل
شعر
حمدان الكعبي
1-7-2011
